天龍會唔會培育左一班價值觀有問題嘅青年出黎?

chanchikai1234

算啦玩隻game姐
唔洗咁擊氣

傻渺兒

打機就係咁
呢D世面已經看慣哂- -

在GAME入面一味淨係識搶
搶到又點  咪又係虛擬世界
取代到現實世界咩?

吖姬

e~e~你講緊戈個甘似北ser某個大幫 天_
某個盟 _滅 入面既某班人ge~不過梗有個幫會收你.放心~

hihi1050

我想講出邊個世界仲恐怖過隻game囖 講難聽d 天龍e+真喺唔接受新手 玩唔起唔好玩 你話果個人13 14歲又好30 40歲又好 佢等級擺喺到 要搶你 就搶 唔鋸 上石益g1之後打x佢 無錢？一喺唔好玩 一喺卑躬屈膝 一喺做個氣度大ge男子漢 唔好計較呢d小事 game炸嘛 佢要打你埋比佢囖 比著我 一隻蛤蟆喺完全唔會激嬲我 玩game為乜？為個開心嘛！ 其實天龍d人ok啦 再猖狂的人始終有人會收佢皮 好似社會一樣姐 敗類最終都喺會被淘汰架啦  你如果玩cso果d仲死啊 班小學雞玩殘你= =   家下天龍已經唔喺07年果片淨土 要搞清楚 入邊情況好混亂 所以玩耐左都要適當抽離下 代理商為奪利不擇手段 玩家都喺好無奈架其實 愛隻game 但又真心唔喜歡g1 但又要被逼幫襯g1 同現實納稅無乜兩樣

化合物

宜家天龍d人都低低地啦 高石一大堆 人品吾好 鐘意殺你就殺你 完全冇人人性存在

天龍 是福是禍 大家有目共睹;

小火紫

天龍就喺一個石與石對抗嘅網絡世界,你D石低級過佢,佢就可以完全5洗比面你,搶野5夠你快吖咪靠力量去搶囖,只要你一日重低石過佢,佢就可以玩死你,搶王啊搶聖山箱啊你5洗旨意可以安全搶到就喺甘
(一名已經退出天龍而成為天龍版路人嘅領悟)

aqqzzz

綱絡遊戲令到一大班人言語上大膽左...因為拒地覺得講咩都唔洗負責任

遊戲上你會對人説粗口...但係現實你又會唔會無端端行過去問候人呢...

andywilliam1

人既心理真係好奇怪, 每個人心入面都有做羊群既一日, 當見到個個人都係咁, 就會覺得自己唔做好似好吃虧咁

而加隻GAME得番2種人: 一係聖人, 一係小學雞。你唔係小學雞, 你就係聖人。

dannytsoi31

其實最重要都糸你有無自我控制既能力同識唔識得分開現實同虛擬  如果你有既話 我覺得就算你game入面點做都好 只要一離開個mon 你就會做番一個平常人<---小弟正是

absurdity

回復 14# hihi1050


    首先, 要同呢位師兄講聲唔好意思,閣下之價值觀問題,正是本帖想表達嘅問題. 如有冒犯, 請海量包涵.

一隻蛤蟆真係不足以我動容, 我動容係因為人物引發嘅事件.

係我嘅心目中,如果要比, 現實世界遠遠比不上天龍恐怖, 係HK天龍有價值觀問題嘅人及自重感問題嘅人的比例遠高於現實世界. 而且現實世界有法治道德精神, 令好多做事不理後果及不顧他人嘅人卻步. 樹大有枯枝, 人多有白痴, 我信. 但係現實世界點計白痴都係極小數. 破壞好簡單, 建設好難, 而短視不負責任嘅人只係識做簡單嘅事.

引用師兄說話: 「玩唔起唔好玩 你話果個人13 14歲又好30 40歲又好 佢等級擺喺到 要搶你 就搶 唔鋸 上石益g1之後打x佢 無錢？一喺唔好玩 一喺卑躬屈膝 一喺做個氣度大ge男子漢 唔好計較呢d小事」

我想問邊個話遊戲一定係咁玩? 我相信無人敢下定論, 環境係人做出黎. 係天龍確實係一個惡性循環嘅好例子. 由一個負面嘅人可以連鎖咁影響好多人, 而呢個負面嘅人只不過係用不負責任及短視嘅態度去從人身上得到存在價值, 而俾人係身上奪去存在價值嘅人, 亦因為存在價值唔夠而要去其他人身奪取. 由一個白痴變成一群白痴. 久而久之, 變成一個負面、短視、做事不負責任、恕氣十足嘅社群.
係咪同一班白痴嘅人玩同一隻GAME, 我就要跟佢地一齊做白痴? I DUN THINK SO~
GAME本身確係一個比賽, 但比賽係可以良性、有更好品質及智慧.
有人話遊戲終歸遊戲, 離開左就唔會上心, 但謝安肥同廣告都有講: 負面情緒同精神病係唔知幾時會揾你, 有時好多人俾GAME入面嘅負面影響左自己都唔知, 甚至悄悄反映係現實世界.

至於『被逼幫襯g1 同現實納稅無乜兩樣』
我諗師兄唔明白納稅嘅意義同精神, 我亦不在此詳談. PS. 我唔係稅務局嘅人@@"
做人同玩GANE一樣, 好多野都係自己選擇, 要惡性定良性玩一隻GAME, 由個人素質決定.