天龍會唔會培育左一班價值觀有問題嘅青年出黎?

absurdity

字計數可能對於一D人士唔慣, 唔睇唔好留咩~太多字唔想睇的之如此類嘅說話, 謝~
 
以下故事不開名, 估到就算, 因為重點唔係人物到.
 ，
話說一個平凡玩家, 而且無玩兩三年,近排先DOWN番隻GAME黎玩,
無無聊聊咁去玄三島打下隻蛤蟆,打左兩隻, 突然一班高級組走出黎二話不說就秒左我, OK~咁我更喺問下咩事~ 佢俾左5隻字我~[D王 我打開]~ 我當堂嚇一跳,然後得啖笑~, 其實你可以話我聽你地準備打王, 試問我又點同你爭, 你一排百幾LV嘅人喺到~ 我仲問佢仲有咩佢喺打開架?三環呀, 縹呀嗰D有無~?因為我覺得佢實在太唔識尊重人, 十足一個十三四歲嘅青少年.
 
以上只不過係故事一, 跟手個幫頻有人問我係咪搶左人怪仲串人? 我照事實相告,跟手佢同我講一係我同嗰個講SORRY, 一係踼我出幫.要人尊重你, 你先要識尊重人. 你唔識尊重人, 反而要人地同你道歉? Absurdity~
 
奇怪嘅價值觀就係呢到出現~我出去俾人粒聲唔出咁俾一個唔識尊重人嘅人殺左, 我仲要同佢講SORRY?呢一刻我開始諗, 呢個幫D咁得意,啲Logic咁得意, 咁點解唔係個幫注明, 如果你係出面打左人地未黎打嗰隻怪, 而之後俾人粒聲唔出殺左, 你係要同對方講SORRY! 如果我見到咁嘅注明咁我清晰喇, 我會考慮道不同不相為謀, 而唔選擇入幫. 當然, 我好識趣咁自動退幫, 可能思維層相差太遠, 我都不作多談. 跟住, 殺我嘅人密我同我講: 咁咪好囉, 自己退幫. 你去邊個幫,我就叫邊個幫踼你之如此類嘅說話. 好似一個小朋友, 以為自己可以影響人, 非常可愛嘅樣子~.~
 
以上只不過係小故事一則, 我相信係呢隻Game呢d事可能經常發生,但令我聯想到呢群青年, 如果係game入面係咁, 唔多唔少係現實世界都會受game嘅影響,
由其一d咩雙三失青年, 由於太淘醉game嘅世界, 而影響基本社交及人生價值觀. 就算在學學生, 亦會因為玩game而容易受到呢d價值觀有問題嘅人的負面所影響.
 
我以及一班朋友玩game, 係享受創作人嘅智慧, 唔係比隻game影響自己.
 
仲有, 本人不只玩過hk online game, 亦玩過多到數唔到嘅online game, 接觸外國玩家多不勝數, 香港玩game嘅負面比例, 我相信係世界第一, 你越負面, 代理越有錢.
 
At last, 殺我嗰個唔好同我講咩追殺我之如此類嘅說話, 當你跳出個層面去睇, 邊個係邊個嘅玩具都未知, 多用腦唔只係GAME, 做人都要, 醒醒~ 感言

abrianfa

"你越負面, 代理越有錢" like
呢D野試過好多次
我都玩過好多外國online game
好似香港玩家咁真係未試過...

心隨風去

現實受挫折 只有在遊戲找到自我肯定  朋友看開一點   海闊天空

RYKEN

當樓主諗到呢班心智與年齡不成正比的人沒法在社會中得到成功,只能每天在遊戲內突出自己,
你可想而之,你會為他們感到可憐的...

天龍人仔

文章所提及的冇品玩家 現實世界與遊戲世界統稱為「小學雞」

光云

北ser 大把呢類人- -

之前我60幾lv 打門王,成隊百幾lv 都唔夠搶,最後都係殺左我#3

yuncash

仲唔係北ser果隻趴地
btw 北ser實在太恐怖 一幫獨大 冇人敢反 樓主不能怪你幫 因為你唔say sorry 你個幫絕對冇好下場 同埋係佢地眼中 只有弱者先會係樂古開post本人都勸一句 除非你想加入刷鞋仔行列  鐘意恰手無縳雞之人 否則北ser不會是你理想的和平ser

alpth

香港玩家平均素質真係比較差
就如天龍 打架就打架 係要一路打一路開喇叭問候對方
去玩其他game 就國內,台灣玩家素質真係完全2個層次

光云

仲唔係北ser果隻趴地
btw 北ser實在太恐怖 一幫獨大 冇人敢反 樓主不能怪你幫 因為你唔say sorry 你個幫 ...
yuncash 發表於 2-11-2012 20:38

  都似係wor

囧大俠

香港而家真喺十分多隱蔽青年,當遊戲喺第二個世界咁...
現實有咩唔順心的事,都會喺gane度發洩
另外
樓主你呢句 我當堂嚇一跳,然後得啖笑~
我真喺十分欣賞